२०१८ मधील डिजिटल नेतृत्व

२०१८ हे वर्ष डिजिटल युगाशी जोडलेले वर्ष ठरणार आहे अस विविध सर्वेक्षणामधून वर्तविण्यात येत आहे. आणि हे खर देखील आहे. कृत्रिम बुद्धिमत्ता (Artificial Intelligence) याने तर तंत्रज्ञानामध्ये खूप बदल होणार आहे. अर्थात हे बदल मानवास पूरक असेच असणार आहेत. त्यामुळे जीवनशैली मध्ये अमुलाग्र बदल देखील अनुभवता येणार आहेत, हे नक्की ! पण हे बदल घडत असताना एक नव नेतृत्व तयार होण्याची नितांत गरज असते अस तज्ञाच मत आहे. मग त्या नेतृत्वामध्ये कोणती वैशिष्टये असावीत याच्या बद्दलच आपण आज माहिती घेणार आहोत. मागील दशक हे इंटरनेट क्रांतीचे दशक म्हणून ओळखले गेले ज्यामुळे बऱ्याच बाबी आता सहज करता येतात जसे, मोबाईल रिचार्ज असेल अथवा मोबाईल पेमेंट असेल अथवा ऑफिसला पाठवायचा मेल असेल, सगळ अगदी चुटकी सरशी पाठविता येतं. प्रत्येक व्यक्ती आभासी एकमेकास जोडला गेलेला आहे, नाही का? या क्रांतिकारी परिस्थितीचा सामना करताना, आपल्याकडे दोन पर्याय आहेत, एक- हा बदल स्विकारायचा आणि या बदलाच्या लाटेवर स्वार व्हायचं नाहीतर जगाच्या मागे रहायचं !! या दोन पर्याय शिवाय तिसरा पर्याय उपलब्ध नाहीच. या सर्वा मध्ये डिजिटल नेतृत्वाला अनन्य साधारण असे महत्व येत आहे. असे डिजिटल नेतृत्व करणाऱ्याकडे पुढाकार घेण्याच आणि तंत्रज्ञान आत्मसात करण्याच, शिकण्याच कसब असण नितांत आवश्यक आहे. उत्तम तंत्रज्ञान कस सर्वांपर्यंत पोहोचेल हे पाहणारा तो/ती असावा.

डिजिटल नेतृत्व जसे की

तंत्रज्ञानाचा वापर – तंत्रज्ञानाचा वापर संस्थेच्या वाढीसाठी कसा करायचा याचे ज्ञान त्याच्याकडे असावे. या तंत्रज्ञानातून संस्थेस कसा फायदा होईल हे पाहणारा तो/ती असावा.

सदैव अद्ययावत राहणे- हि खूप महत्वाची बाब आहे तंत्रज्ञान सदैव बदलत राहते ते सतत आत्मसात करणे हि काळाची गरज आहे.

सोशल मेडीया चा योग्य वापर- हा वापर करीत असताना स्वत:च्या संस्थेस कंपनीस कसा फायदा होईल हे पाहिले पाहिजे.

संवाद – ऑनलाईन संवाद साधणे हेतू  सदैव तयार असणे आवश्यक आहे.

अभिनव व्यवसाय मॉडेल – तंत्रज्ञानाचा वापर करून व्यवसायिक मॉडेल तयार करता येवू शकतील त्यात पुढाकार घेता आला पाहिजे.

कर्मचारी सक्षमीकरण-  आपला कर्मचारी तंत्रज्ञान क्षेत्रात कसा सक्षम होईल याचा विचार करता आला पाहिजे.

वयस्कर कर्मचाऱ्याना प्रेरणा द्यावी लागेल- वयस्कर कर्मचारी बदलत्या तंत्रज्ञानाशी लवकर बदलून घेत नाहीत त्याना हा बदल स्विकारायला प्रेरणा देणारे नेतृत्व पुढे यावे लागेल.  

संस्थेमध्ये एक डिजिटल संस्कृती तयार करणे-  डिजिटल संस्कृती तयार करणे व ती सर्वांनी स्वीकारावी यासाठी प्रयत्न करावे लागतील.

एखाद्याच्या मदतीवर तंत्रज्ञानासह, व्यवस्थापक त्यांच्या संघ आणि मातब्बरांशी संवाद साधणे आणि त्यांचे व्यवस्थापन करणे सोपे झाले आहे. जरी, नवीन सॉफ़्टवेअर आणि तंत्रज्ञानासह हिट आणि ट्रायल च्या गोंधळात टाकल्यासारखे वाटू शकते, तरी त्यांच्या समस्यांबद्दलच्या समस्यांचे संयोजन शोधता येऊ शकेल अस तंत्रज्ञान आता आपल्या दारात उभे ठाकले आहे.

 अमित कामतकर