फॉलोअर

पासवर्ड कसा असावा ?

-


दीक्षा इयत्ता ११ वी मध्ये शिकत आहे, सोबतच तिने संगणक शिक्षण घेतलेले आहे. तिचे वडील एका खासगी कंपनीत नोकरीस आहेत त्यांनी नुकताच इंटरनेट बँकिंग साठी बँकेत अर्ज दाखल केला आहे. या अर्जाच्या आधारे त्यांच्या बँकेच्या खात्यास लवकरच नेट बँकिंग सेवा सुरु होईल असा मेसेज बँकेच्या अधिकाऱ्याने त्यांना दिला आणि नेट बँकिंग सेवा सुरु देखील झाली. बँकेने दीक्षाच्या वडिलाना पासवर्ड सेट करण्याबद्दल मार्गदर्शन केले त्यानुसार त्यांनी पासवर्ड सेट देखील केला आणि तो लक्षात राहावा या हेतूने त्यांच्या खिशातील डायरी काढली व त्यात पासवर्ड लिहू लागले, इतक्यात दीक्षा त्यांना म्हणाली “बाबा, हा पासवर्ड डायरीत लिहू नका, तो लक्षात ठेवा, कारण जर डायरी हरविली तर पासवर्ड देखील हरवेल आणि त्याचा गैर वापर होवू शकेल !”, दीक्षाच्या या वक्तव्यामुळे तिच्या वडिलांना तिचे खुप कौतुक वाटले आणि ते म्हणाले, “या आजच्या आय टी च्या युगात आता तुमच्या पिढीकडून बरच काही शिकण्यासारखे आहे आणि ते आम्ही शिकले पाहिजे !!” दीक्षा पुढे म्हणाली बाबा, पासवर्ड चे महत्व आज तुम्हाला सांगते, पासवर्ड कसा असावा यावर खालील महत्वाचे मुद्दे लक्षात ठेवावे.
१.    पासवर्ड हा मोठा असावा, तो सहज लक्षात ठेवण्यासारखा नसावा.

२.    पासवर्ड कमीत कमी सहा ते दहा अक्षरी असावा त्यात स्पेशल चिन्हांचा वापर करावा, जसे कॅपिटल अक्षरे व लहान अक्षरे यांचा एकत्रित वापर, पर्सेंट चिन्ह, अॅट चिन्हांचा वापर आदी. ज्यामुळे तो सहजरीत्या ओळखता येणार नाही.
३.    एकच पासवर्ड सगळ्या ठिकाणी वापरू नये. पासवर्ड एकमेकांना सांगणे टाळावे.
४.    पासवर्ड लिहून ठेवायचाच असेल तर तो जिथे सुरक्षित राहू शकेल अशाच ठिकाणी लिहून ठेवावा, अन्यथा लिहून ठेवणे टाळावे.
५.    पासवर्ड मध्ये वैयक्तिक माहिती असू नये. जसे कि वडिलांचे , आई चे नाव ई.
६.    ठराविक काळा नंतर पासवर्ड बदलत राहणे उचित
७.    फक्त नंबर, मग तो वाढदिवस तारीख, लग्नाचा वाढदिवस तारीख ई.पासवर्ड मध्ये वापरू नये.
८.    “पासवर्ड” हा शब्दच पासवर्ड म्हणून वापरू नये.
९.    युजरनेम चा वापर देखील पासवर्ड मध्ये करणे टाळावे.
 १०. डिक्शनरी मधील शब्दांचा वापर करणे टाळावे.

हे महत्वाचे मुद्दे ऐकल्यावर दीक्षाचे बाबा दीक्षाला म्हणाले, “थॅंक्स दीक्षा !! मी हे सर्व मुद्दे ध्यानात ठेवेन आणि त्यानुसारच माझा पासवर्ड तयार करेन.

अमित बाळकृष्ण कामतकर
सोलापूर 

या विषयी अधिक माहिती / मार्गदर्शन हवे असल्यास खालील वेब साईट (विद्या कॉम्प्युटर्स या लिंक वर) ला भेट द्यावी आणि तेथील "गेट कोट" या बटणावर क्लिक करून फॉर्म भरावा विद्या कॉम्प्युटर्स तुम्हाला मदत करेल. (निशुल्क सेवा)
VIDYA COMPUTERS

इतर विषयावरील लेख वाचण्यासाठी क्लिक करावं.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

मी सोलापूरचं आय. टी. पार्क बोलतोय ......

-
इमेज
  नमस्कार सोलापूरकर, मी एम.आय.डी.सी. चिंचोळी येथील एक धूळ खात पडलेली इमारत ज्याचे माहिती तंत्रज्ञान संकुल म्हणून १० फेब्रुवारी २००१ रोजी तत्कालीन उद्योग मंत्री डॉ.पतंगराव कदम साहेब यांचे शुभहस्ते उद्घाटन केले होते. या कार्यक्रमास तत्कालीन खासदार सुशीलकुमार शिंदे साहेब, आर आर पाटील साहेब, आमदार उत्तमप्रकाश खंदारे साहेब हि दिग्गज मंडळी उपस्थित होती. सोहळा खूप दिमाखदार झाला, हे दाखविणारा फलक तुमच्या स्वागताला पहायला आणि वाचायला तुम्हाला मिळेल. आजकाल तुम्ही काय म्हणता ते, ट्रेन्डीग वगैरे तसचं काहीतरी तेंव्हा मीडिया ने यास खूप चांगली प्रसिद्धी दिली होती, महाविद्यालयातील युवक मोठ्या आशाने या सर्वांकडे पाहत होता, शेवटच्या वर्षात शिकणारे विद्यार्थी तर स्वप्नं रंगू लागले होते, कि आता सोलापूर सोडायची गरज नाही, माहिती तंत्रज्ञान संकुल (आय टी पार्क) सोलापुरात झाल आहे म्हणजे “अपनी तो निकल पडी”, कारण जॉब साठी होम टाऊन सोडायची गरज आता राहणार नव्हती, सगळं इथेच सोलापुरी होईल असे वाटतं होते. २०१५ च्या महाराष्ट्र शासनाच्या रिपोर्ट नुसार पुण्यात खाजगी आय टी पार्क संख्या हि १७२ एवढी आहे, मुंबई १६१ , ठाणे १
अधिक वाचा

ब्रॅंडींग लीडरशिप

-
इमेज
  नेतृत्व गुण हा उपजत असणारा गुण म्हणून आपण पाहतो, ऐकतो, बऱ्याच वेळा आपण सहज म्हणून जातो की लहानपणा पासूनच त्याच्यात / तिच्यात नेतृत्वाची चुणूक आहे. पण आता असे नाही, नोकरी करीत असताना अथवा स्वत:चा व्यवसाय करीत असताना तुम्हाला नेतृत्व हे करावे लागेल आणि त्याच्या अनुषंगाने आवश्यक गुण आत्मसात करावे लागतील, शिकावे लागतील. आज समाजात उत्तम नेतृत्व करणाऱ्या मंडळींची वानवा दिसते. पण नोकरी करीत असताना बढती मिळते (प्रमोशन मिळते), स्वत;चा व्यवसाय सुरू केला असेल तर आशा ठिकाणी   गुणांचा कस लागतो असे माझे मत आहे. विविध टप्प्यावर तुमची निर्णय घेण्याची क्षमता, नैतिकता, प्रामाणिकपणा, सर्व समावेशक विचार, आत्मविश्वास, सहानुभूति, अनुकंपा/ कणव, सचोटी , शिकण्याची इच्छा ही गुण वैशिष्ट्य खूप महत्वाची वाटतात मला. यशस्वी नेतृत्व करण्याची क्षमता ही अनेक वेळा नेत्याच्या धोरणात्मक निर्णय घेणे , अभिप्राय ऐकणे, संघास प्रेरित करणे आणि कार्यसंघात योगदान कशा प्रकारे देऊ करतात यावर अवलंबून असते. आज आपण देशाचा विचार करीत असू तर फक्त "नेतृत्व" असे राहिले नाही, त्यास मी नेतृत्व 2.0 म्हणेन कारण आता ती फक्त लीडरशिप
अधिक वाचा

सार्वजनिक उत्सव – आज गरज आहे ?

-
इमेज
  ब्रिटिश काळात राजकीय चळवळ जनसामान्यां पर्यन्त पोहोचावी यासाठी विविध मार्ग शोधण्याची निकड वाटू लागली असता टिळकांचे लक्ष गणपती बाप्पा कडे गेले आणि त्यांनी गणेश उत्सव सार्वजनिक रित्या साजरा करणेचे ठरविले आणि त्याकाळात पुण्यातील काही प्रतिष्ठित मंडळींच्या सहकार्याने उत्सवास सार्वजनिक स्वरूप प्राप्त झाले. यास ठोस अशी कारणं देखील होती, त्याकाळातील भाषा माध्यम इंग्रजी आणि त्याची व्याप्ती खूप कमी , सोबतच सामान्य माणसास ब्रिटिश जुलमी राजवटी विरोधात जन-जागृती करणे , त्यांच्या भाषेत त्यांना विषय समजावा त्यासाठी जमाव जमविणे खूप कठीण, कॉंग्रेस मध्ये मवाळ नेतृत्व ज्यांचा भर हा पत्रव्यवहार, निवेदनं देणं यावर असायचा परंतु टिळकांना हे मान्य नव्हतं त्यासाठी त्यांनी उत्सवास सार्वत्रिक स्वरूप देण्याचे निश्चित केले. पेशवे काळा पासून उत्सव साजरे केले जायचेच. पण ते सार्वजनिक नव्हते.   ही पार्श्वभूमी प्रथम मांडण्याचे कारण म्हणजे सार्वत्रिक उत्सवाची गरज आणि त्यामागची भूमिका- स्वातंत्र्यपूर्व काळात काय होती आणि आता काय आहे? थोडा विचार केल्यास स्वातंत्र्यानंतर या सार्वत्रिक उत्सवाची खरीच गरज आहे का? कोणत्या वि
अधिक वाचा