फॉलोअर

ऑनलाइन आहात आणि व्यवहार करीत आहात- मग इकडे लक्ष द्या

-


इंटरनेट मुळे जग खूप जवळ येत आहे.कोणतीही गोष्ट चुटकी सरशी (फक्त एका क्लिक वर) होते तेही घर बसल्या !! मग बँकेत पैसे ट्रान्स्फर करणे असो अथवा खरेदी करणे असो सगळ अगदी सहज !! इंटरनेट चा वाढता वापर आपल्याला आता नित्याचा झाला आहे पण ज्यावेळी आपण एखादा व्यवहार ऑनलाइन करतो त्यावेळी नक्की कोणती काळजी घ्यावी हे जर लक्षात ठेवले तर आपली फसवणूक होणार नाही. पण मग, काय व कोणत्या प्रकारची काळजी घ्यावी ? आज मी तुम्हाला दहा बाबी सांगणार आहे त्या तुम्ही ध्यानात ठेवल्या तर ऑनलाइन व्यवहार करणं सुरक्षित होईल.

1. वाय-फाय नेटवर्क वापर- आजकाल वाय-फाय हॉट-स्पॉट सहज उपलब्ध होतात. तुम्ही जेंव्हा तुमच्या स्मार्ट-फोन/लॅपटॉप वाय-फाय हॉट-स्पॉट ला कनेक्ट कराल तेंव्हा तो कोणाचा हॉट-स्पॉट आहे त्याचे नाव काय, तो ओळखीचा आहे का ? याची खातरजमा करा मगच कनेक्ट व्हा अन्यथा नको.
2. पासवर्ड- तुमचा पासवर्ड सहज ओळखता येवू नये असा सेट करा.
3. पासवर्ड चा पुन:वापर- पासवर्ड ठराविक अंतराळानंतर बदला आणि परत नवा पासवर्ड सेट करीत असताना पुन्हा तोच पासवर्ड ठेवणे टाळा.
4. ई-मेल क्लिक टाळा- विविध जाहिराती प्रसिद्धी साठी मेल पाठविण्यात येतात त्या मेल्सना रिप्लाय करणे टाळा.
5. लॉग-इन डीटेल्स- लॉग इन डीटेल्स शेयर करणे टाळणे योग्य होते. युजरनेम पासवर्ड कोणासोबतही शेयर करू नका. तो लिहून ठेवल्यास सेफ कस्टडी मध्ये ठेवा.
6. ऑनलाइन स्टेट्स सांभाळून- आजकाल आपण कुठे आहोत या बद्दल स्टेट्स ठेवणे हि फॅशन झाली आहे, जसे “हॉलिडे एन्जॉय अॅट लालबाग” असे स्टेट्स सोशल मेडीयामध्ये ठेवल्यास तुम्ही कुठे आहात हे मित्र परिवार सोडून इतर लोकांना देखील कळतं (पोस्ट करीत असताना काळजी घेतली नाही तर) त्यामुळे असे स्टेट्स ठेवणे टाळा.

7. सोशल मेडिया सेटिंग्ज- बऱ्याच वेळा सर्फिंग करीत असताना सोशल मेडिया सेटिंग्ज बद्दल ब्राऊजर वर मेसेज येतो आणि आपण सहज “YES” वर क्लिक करतो. अशा मेसेजेस ला क्लिक करणे टाळा.
8. अनोळखी सेंडर- ई-मेल द्वारे अनोळखी व्यक्तीच्या रिक्वेस्ट येतात, जाहिराती येतात, सोशल मेडिया वर अनोळखी व्यक्तींच्या फ्रेंड रिक्वेस्ट येतात त्यांना स्वीकारू नका.
9. सेफ ब्राऊजिंग- आपण ऑनलाइन असताना तपासा कि वेब एड्रेस हा https:\\ ने सुरु झाला आहे का, तसे असल्यास ऑनलाइन व्यवहार करा.
10. सेक्युरिटी सर्टिफिकेट- प्रत्येक ऑनलाइन व्यवहार करणाऱ्या साईट कडे हे सेक्युरिटी सर्टिफिकेट असतात. ते तुम्ही पाहूही शकता, ते पाहण्यासाठी https:\\ च्या शेजारी बंद कुलुपाचे चित्र असते तिथे क्लिक करा आणि तपासा.


या विषयी अधिक माहिती / मार्गदर्शन हवे असल्यास खालील वेब साईट (विद्या कॉम्प्युटर्स या लिंक वर) ला भेट द्यावी आणि तेथील "गेट कोट" या बटणावर क्लिक करून फॉर्म भरावा विद्या कॉम्प्युटर्स तुम्हाला मदत करेल. (निशुल्क सेवा)
VIDYA COMPUTERS  


अमित बाळकृष्ण कामतकर
सोलापूर


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

मी सोलापूरचं आय. टी. पार्क बोलतोय ......

-
इमेज
  नमस्कार सोलापूरकर, मी एम.आय.डी.सी. चिंचोळी येथील एक धूळ खात पडलेली इमारत ज्याचे माहिती तंत्रज्ञान संकुल म्हणून १० फेब्रुवारी २००१ रोजी तत्कालीन उद्योग मंत्री डॉ.पतंगराव कदम साहेब यांचे शुभहस्ते उद्घाटन केले होते. या कार्यक्रमास तत्कालीन खासदार सुशीलकुमार शिंदे साहेब, आर आर पाटील साहेब, आमदार उत्तमप्रकाश खंदारे साहेब हि दिग्गज मंडळी उपस्थित होती. सोहळा खूप दिमाखदार झाला, हे दाखविणारा फलक तुमच्या स्वागताला पहायला आणि वाचायला तुम्हाला मिळेल. आजकाल तुम्ही काय म्हणता ते, ट्रेन्डीग वगैरे तसचं काहीतरी तेंव्हा मीडिया ने यास खूप चांगली प्रसिद्धी दिली होती, महाविद्यालयातील युवक मोठ्या आशाने या सर्वांकडे पाहत होता, शेवटच्या वर्षात शिकणारे विद्यार्थी तर स्वप्नं रंगू लागले होते, कि आता सोलापूर सोडायची गरज नाही, माहिती तंत्रज्ञान संकुल (आय टी पार्क) सोलापुरात झाल आहे म्हणजे “अपनी तो निकल पडी”, कारण जॉब साठी होम टाऊन सोडायची गरज आता राहणार नव्हती, सगळं इथेच सोलापुरी होईल असे वाटतं होते. २०१५ च्या महाराष्ट्र शासनाच्या रिपोर्ट नुसार पुण्यात खाजगी आय टी पार्क संख्या हि १७२ एवढी आहे, मुंबई १६१ , ठाणे १
अधिक वाचा

ब्रॅंडींग लीडरशिप

-
इमेज
  नेतृत्व गुण हा उपजत असणारा गुण म्हणून आपण पाहतो, ऐकतो, बऱ्याच वेळा आपण सहज म्हणून जातो की लहानपणा पासूनच त्याच्यात / तिच्यात नेतृत्वाची चुणूक आहे. पण आता असे नाही, नोकरी करीत असताना अथवा स्वत:चा व्यवसाय करीत असताना तुम्हाला नेतृत्व हे करावे लागेल आणि त्याच्या अनुषंगाने आवश्यक गुण आत्मसात करावे लागतील, शिकावे लागतील. आज समाजात उत्तम नेतृत्व करणाऱ्या मंडळींची वानवा दिसते. पण नोकरी करीत असताना बढती मिळते (प्रमोशन मिळते), स्वत;चा व्यवसाय सुरू केला असेल तर आशा ठिकाणी   गुणांचा कस लागतो असे माझे मत आहे. विविध टप्प्यावर तुमची निर्णय घेण्याची क्षमता, नैतिकता, प्रामाणिकपणा, सर्व समावेशक विचार, आत्मविश्वास, सहानुभूति, अनुकंपा/ कणव, सचोटी , शिकण्याची इच्छा ही गुण वैशिष्ट्य खूप महत्वाची वाटतात मला. यशस्वी नेतृत्व करण्याची क्षमता ही अनेक वेळा नेत्याच्या धोरणात्मक निर्णय घेणे , अभिप्राय ऐकणे, संघास प्रेरित करणे आणि कार्यसंघात योगदान कशा प्रकारे देऊ करतात यावर अवलंबून असते. आज आपण देशाचा विचार करीत असू तर फक्त "नेतृत्व" असे राहिले नाही, त्यास मी नेतृत्व 2.0 म्हणेन कारण आता ती फक्त लीडरशिप
अधिक वाचा

सार्वजनिक उत्सव – आज गरज आहे ?

-
इमेज
  ब्रिटिश काळात राजकीय चळवळ जनसामान्यां पर्यन्त पोहोचावी यासाठी विविध मार्ग शोधण्याची निकड वाटू लागली असता टिळकांचे लक्ष गणपती बाप्पा कडे गेले आणि त्यांनी गणेश उत्सव सार्वजनिक रित्या साजरा करणेचे ठरविले आणि त्याकाळात पुण्यातील काही प्रतिष्ठित मंडळींच्या सहकार्याने उत्सवास सार्वजनिक स्वरूप प्राप्त झाले. यास ठोस अशी कारणं देखील होती, त्याकाळातील भाषा माध्यम इंग्रजी आणि त्याची व्याप्ती खूप कमी , सोबतच सामान्य माणसास ब्रिटिश जुलमी राजवटी विरोधात जन-जागृती करणे , त्यांच्या भाषेत त्यांना विषय समजावा त्यासाठी जमाव जमविणे खूप कठीण, कॉंग्रेस मध्ये मवाळ नेतृत्व ज्यांचा भर हा पत्रव्यवहार, निवेदनं देणं यावर असायचा परंतु टिळकांना हे मान्य नव्हतं त्यासाठी त्यांनी उत्सवास सार्वत्रिक स्वरूप देण्याचे निश्चित केले. पेशवे काळा पासून उत्सव साजरे केले जायचेच. पण ते सार्वजनिक नव्हते.   ही पार्श्वभूमी प्रथम मांडण्याचे कारण म्हणजे सार्वत्रिक उत्सवाची गरज आणि त्यामागची भूमिका- स्वातंत्र्यपूर्व काळात काय होती आणि आता काय आहे? थोडा विचार केल्यास स्वातंत्र्यानंतर या सार्वत्रिक उत्सवाची खरीच गरज आहे का? कोणत्या वि
अधिक वाचा